தஞ்சாவூர் பொம்மைகள்

இண்டர்லோக்
விசயத்தில்
நம் இன
சமுதாயத் தலைவர்களின்
நடவடிக்கைகள்
உங்களை
நினைவுபடுத்துகிறது.


நன்றி
தலையாட்டி பொம்மைகள்

இண்டர்லோக்

இந்தியர்களை
இழிவுபடுத்தும் நூல்

எதையும் தாங்கும்
இதயம் வேண்டும்
இதை தாங்க ஏது இதயம்
இரவல் வரிகள்தான்

இதயத்தை
உருகவைக்கும் வரிகள்


துடித்தோம்
அறிக்கை விட்டோம்
எரித்தோம்
ஆய்வு செய்தோம்
கூடினோம் பேசினோம்
முடிந்தபாடில்லை
யாரும்
செவி சாய்த்தபாடில்லை

இன்னும் துடிக்கின்றோம்

இது தொடர்ந்தால்
இந்தியன் என்ற பெயர் மாறி
.................
என்றே நம் இனம் மாறும்

ஆனாலும்
ஒரு வழி உண்டு

இந்தியர்களே
ஒன்று சேருங்கள்
ஒற்றுமையாக
ஒத்த முடிவெடுங்கள்

இந்தியர்களின்
எதிர்ப்பைக் காட்டுங்கள்

அதன்பின் பாருங்கள்

தாடி

ஓவியனுக்கு அழகு
ஆன்மீகவாதிக்கு அழகு
இலக்கியவாதிக்கு அழகு

மூத்த அரசியல்வாதிக்கு அழகு
வெள்ளை தாடி
சிம்மக்குரலோனுக்கு அழகு






ஊர் சுற்றிக்கும் அழகு
தூங்கு மூஞ்சிக்கும் அழகு

சூதாடிக்கும் அழகு
காதல் தோல்வி
இளைஞனுக்கும் அழகு

உன் முகத்தில் தாடியா
இதில் எந்த ரகம் ?

எழுத மறந்த ரகமா ?

தாடி
உன் அடையாளம்
வளரும் முன்
யோசி.

டத்தோ கோ.பழனிவேல் அவர்களே

நினைத்துப்பார்க்கின்றேன்

சாதனைத் தலைவரின் வாரிசே
சரித்திரம் படைக்கவிருக்கும்
தேசிய தலைவரே
டத்தோ கோ.பழ்னிவேல் அவர்களே

பிறந்த நாள் வாழ்த்துகள்


இதயத்து ஈரத்திலிருந்து
வாழ்த்துகின்றேன் -வெற்றி உமதே
தொகுதி,மாநிலம்,நாடு என ஆற்றிய
தொண்டினை நினைத்துப்பார்க்கின்றேன்

இரவின் மடியில்
உலகம் தூங்கியபோதும்
நீர் மட்டும் கண் விழித்தீர்
மக்களுக்காக சிந்தித்தீர்

தள்ளாடும் சமுதாயம்
தலை நிமிர
தேசியத் தலைவருக்கு
தோள் கொடுத்தீர்

நீர் வழங்கிய மான்யமோ
ஆயிரமாயிரம்
செயல் திறனைச் சொல்ல
சொற்களைத் தேடுகின்றேன்

தமிழ்ப்பள்ளிகளுக்கும்
கோவில்களுக்கும்
பேசும் சக்தி இருந்தால்
உன் போராட்டத்தில்
பிரச்சாரப் பீரங்கிகளாக
வெடித்திருக்கும்

உன் எதிரிகள் உம்மை வீழ்த்த
உன்னைச் சுற்றியே
தருணம் பார்த்து
காத்துக் கொண்டிருகிறார்கள்

உமக்குப் புரியாததா
அல்லது தெரியாததா
அரசியல் உமக்கு அல்வா
அமைதியாகவே
அடக்கி விடுவாய்
எனபது தெரியும்

நீர் உன் தமிழை மட்டும்
உயர்த்திக் கொள்
அதுவே உன் பலஹீனம்
உன்னைக் கவிழ்க்க
அதுதானே எதிரிகளுக்கு
ஆயுதம்

நீர் வீழமாட்டாய்
அய்யன் துணை இருக்கும்வரை
உன் நிழலில் நிச்சயம்
நம் சமுதாயம் உயரும்


யானையின் பலமில்லை உம்மிடம்
சிங்கத்தின் சீற்றமில்லை உம்மிடம்
புலியின் வேகமில்லை உம்மிடம்
ஆனால்
வேகமும் விவேகமும் திறமையும்
அய்யனின் அருளும் உண்டு

தேசியத்தலைவரே
வாழ்த்துகின்றேன்.
வாழ்க பல்லாண்டு !

அன்னையே ,என் உயிரே

மூத்த மகனோ
காஞ்சிப்புரச் சேலையைப்
பரிசு தர

மகளோ
வகை வகையான
சுவையான
உணவு சமைக்க

மருமகளோ
உடனிருந்து அன்புடன்
உபசரிக்க


இளைய மகனோ
இரவு உணவுக்கு
அழைத்துச் செல்ல

பேரக்குழந்தைகளோ
கோவில் பிரசாதத்தை
போட்டி போட்டு ஊட்ட


அன்னையர் தினத்தன்று
கோடீஸ்வரனுக்குக்கூட
கிடைக்காத வரம்

அன்பு மழையில்
ஆனந்தக் கண்ணீரில்
அம்மா நனைந்தபொழுது
அவள்
கொடுத்து வைத்தவள்

பணம் என்னடா
பணம் ! பணம் !

நித்யா

சிறைச்சாலை
சீருடை
சாமியாருக்கு
இல்லை

தனிச்சிறப்புதான்

!!!!!!!!!!!!!!!!!!

முருகா நீயுமா

தலைவர்களே
எப்படி ஐயா
உம் பெயருக்குள்
முருகன்



சாமிவேலு
சுப்பிரமணியம்
பழனிவேல்
சரவணன்
கேவியஸ் என்ற சுப்பிரமணியம்
முருகையா

நம் சமுதாயத்
தலைவர்கள்
அனைவருக்கும்
முருகன் பெயர்

பத்துமலை முருகா
இதுவும் உன்
திருவிளையாடலா
யாரறிவார்


புரிகின்றது முருகா
தலைவர் ஆக
உன் பெயரோடு
ஆசீர்வாதம் தேவை

தமிழ் மகன்

ஆண் மகனாக
பிறந்துவிட்டேன்
தாயின் முகத்தில்
மகிழ்ச்சி இல்லை

புரியவில்லை
மண்ணைப்
பார்த்தேன்

ஈழத்து மண்
புரிந்து விட்டது

போராட்டங்கள்
முடியவில்லை
பிறந்த நாள் தொட்டு
போராடப் பிறந்தேனோ

மகனாக பிறந்ததில்
சிரித்துக் கொண்டே
அழுகின்றாள் தாய்

தாய் முகத்தில்
மகிழ்ச்சி வருமா
காலந்தின்
விடியலுக்காக
காத்திருக்கிறேன்

21.12.2012

ஓர் விரல் காட்டி நின்றாய்
ஆணையிடுகிறாய்
என நினத்தோம் -
ஆனால்
ஓராண்டுதான்
வாழப்போகிறேன் என
சொல்லாமல் சொல்லிவிட்டாயே
அறிஞர் அண்ணாவின்
மறைவின்போது
கலைஞரின்
கண்ணீர் அஞ்சலி

நான் மூவிரல் காட்டி
மூன்றாண்டுகள் தான்
வாழப்போகின்றோம் என
சொல்லிவிட்டேன்
புரிந்து கொண்டால் சரி
21.12.2012

தலைவரைத் தேடுகின்றேன்

மானிடராய் பிறந்திட
மாதவம் செய்திட
வேண்டுமய்யா



தனித்துவாழ்
பெண்மணியாய்
வாழ்ந்திட என்ன
வரம் பெற்றேனய்யா

குழந்தைகளைக்
கரைச் சேர்க்க
கடன் கேட்டு அலைந்த
கட்சித் தலைவர்கள்
ஏராளம்
கை நீட்டி வழி காட்டும்
தலைவர்களைக் கண்டேன்

குறைக் கேட்டு
கைக் கொடுத்து
கரை சேர்க்கும்
தலைவர்களை
ஒருவரையும்
காணவில்லை

தேடுகிறேன்
கிடைக்கவில்லை

(இது ஓர் உண்மையின் புலம்பல்)
தனித்து வாழ் தாய்மார் ஒருவர் பிள்ளையின் படிப்பிற்காக கடன் கேட்டு தன் கதையை கண்ணீர்வழி வடித்த உண்மைச் சம்பவம்.பத்திரிக்கையில் சந்தித்தவர்களையும் ஏற்பட்ட அனுபவங்களையும் தெரிவிப்பேன் என்று மனவேதனையோடு கூறினார்.)

இரத்த உறிஞ்சிகள்

வியர்வை சிந்தி

உழைத்த பணம்
சிரிப்புடன்
வட்டி முதலையின்
பையில்

தீபாவளி நினைவலைகள்

தீபாவளி தீபாவளி
திருநாள்
அதோ வருகிறது பார்
கோழிக்கறி அங்கே
இட்டிலியும் இங்கே
சுவைத்து சுவைத்து
சாப்பிடலாம் வா”

அன்று தோட்டப்புறங்களிலும் கிராமங்களிலும் குழந்தைகளும் இளைஞர்களும் பெரியோர்களும் தீபாவளி காலங்களில் உதிர்த்த வசனங்களை நினத்துப்பார்க்கின்றேன்.
எத்துணை சுகம்!

தீபாவளிக்கு சட்டை வாங்கியாச்சா ?
ஒரு உடுப்புதான் அப்பா வாங்கினாரு....
இன்னைக்குப் போய் எங்க தங்கைச்சிக்கு,அண்ணனுக்கு,அக்காவுக்கு வாங்குவாரு!



பட்டாசு நேத்திக்கு கொஞ்சம் வாங்கிட்டோம்
தீபாவளிக்கு முத நாளு முச்சந்தி கடையிலே ரொம்ப வாங்கலாம்னு அப்பா சொன்னாரு.

அப்பா வாங்கின 007 சட்டை சின்னதா இருக்கு..
அப்புறம் போய் மாத்தணும்

டேய் இராமசாமி உங்க அப்பாகிட்ட சொல்லு.. கந்தாயி மாமாவுக்கு
இந்த ஆட்டை கூறு போடும்போது மூணு கூறு கேட்டாருன்னு சொல்லு.
தொடைபகுதியா வேணும்னு சொல்லு.
அப்புறம் காசு தருவாருன்னு சொல்லு. சரியா....அவருக்குத் தெரியும்
சரி...சரி....சொல்றேன்

டேய் எம்.ஜி.ஆர்,சிவாஜி இரண்டும் படம் ஓடுது.எதற்குடா போறே ?
முத நாளு எம்.ஜி ஆர். படம்.அப்புறம் சிவாஜி படம்.
அடுத்த நாள் கோலாலம்பூருக்கு போய் அங்க ஒரு படம் பார்க்கலாம்.
கண்ணாவையும் கேளுடா வந்தா எல்லாரும் போலாம்.

தீபாவளிக்கு காலையிலேயே வந்துடு.நம்ம வீட்லேதான் பசியாற.அப்புறம் உன் வீடு.முடிஞ்சதும் குப்பு வீட்டுக்குன்னு ஒரு வட்டம் போடலாம். மறந்திடாதே

இன்னும் ஒரு நாள்தான் இருக்கு தீபாவளிக்கு.பிள்ளைகளுக்கு இன்னும் ஒரு உடுப்புகூட வாங்கலே.கடைக்கார்கிட்ட கைமாத்தா நூறு வெள்ளி வாங்கிட்டு வர்ரேன் புள்ளே.அப்புறம் கொடுக்கலாம். (தந்தையின் தவிப்பு)

தீபாவளி வந்துட்டா போதும்.இவங்க தொல்லை தாங்கலே.

வெடிடா நல்லா வெடிடா பேய் பிசாசு எல்லாம் ஓடுணும்.
பக்கத்துலே கேக்கிற சத்தத்தைவிட ரொம்ப சத்தம் வரணும்

தீபாவளிக் கார்ட்டெல்லாம் ஒட்டுங்கடா.டேய் மாமாவோட கார்டை மேலே ஒட்டுங்க.இல்லேனா மாமா வந்தா பார்த்துட்டு ஏசுவாரு.
இந்த வருஷம் கார்டு குறஞ்சிருக்கு.ஏண்டா......

அனுப்பின எல்லோருக்கும் கார்டு அனுப்பிட்டிங்களா. நாளைக்கு ஒரு சொல்லு வராதபடி பார்த்துக்கொங்க.

ஏண்டி லட்சுமி இப்போ போய் சொல்ற ..தம்பியை கூப்பிடு.டேய் விக்கி கடை தொறந்து இருந்தா ஒரு கா கட்டி மிளகா தூள் வாங்கிட்டு வா.அப்பா பேரை சொல்லு.

சொல்லிட்டேன் ..சொல்லிட்டேன் கவலைப்படாதே.உங்க அப்பா கண்டிப்பா பித்தளைச் சங்கிலி வாங்கிட்டு வந்திடுவாரு.நாளைக்குத்தானே தீபாவளி.
முதலே சீயக்காய் சவர்க்காரம் எடுத்து மூலையிலே வை.

பலகாரத்தை சாப்பிடாதிங்க. முதல்ல சாமிக்கு படையல் போடணும்.டேய்..டேய் சொன்னா கேக்க மாட்டிங்களே !நீயும் அப்படித்தான் உங்க அக்காவும் அப்படித்தான்

அம்மா...கண்ணு எரியுதம்மா..போதும்மா..தண்ணி ஊத்துங்கம்மா....
நல்லா எண்ணே தேச்சு குளிக்கணும்டா....


நான் மறந்துவிட்டதை நீங்கள் நினைவு கூறுங்களேன்.மகிழ்வோம்.
தீபாவளி வாழ்த்துகள்


(இப்பொழுது நாகரிகச் சூழலில் சுகமான இந்த வசனங்கள் மறைந்து சிக்கனம் என்ற போர்வையில் மகிழ்ச்சி போலி நடனம் ஆடுகின்றது)

உன்னைப் போல் ஒருவன்

உலகநாயகனே
நீ நல்லவரா
கெட்டவரா

நாயகன் படத்தில்
ஆஹா ஹா என
சிரிப்பாய்
புரியவில்லை

சனிப்பெயர்ச்சியன்று
சனீஸ்வரனைக்
கேட்டேன்

நீ நல்லவரா
கெட்டவரா
ஏனெனில்
கொடுப்பவனும் நீர்
கெடுப்பவனும் நீர்

சனீஸ்வரன்
சிரித்தார்
கமலஹாசனைப் போல்

சிரிப்பின் பொருள்
புரியவில்லை

வேறு வழியின்றி
சனிதோறும்
சனீஸ்வரனை
ஒன்பது முறை
சுற்றுகிறேன்
சுற்றுவேன்

சனீஸ்வரன்
எனக்கு மட்டும்
நல்லவர்
ஆகும் வரை

கொடுப்பார் அல்லவா
சுயநலம்

இறப்பதை விட

மன உளைச்சல்
போராட்டம்
கண் விழித்த
மறு கண
சிந்தனை
பணம் ! பணம் !

இருபது முதல்
அறுபது வரை
பணம் தேடுதல்
வாழ்க்கைப்
போராட்டமா
தற்கொலை
செய்து கொண்டால்
பிரசினை இல்லையே

இருபது வயது
இளைஞன்
பதில் சொன்னான்
இறந்து மண்ணுக்கு
சொந்தமாவதை விட
உயிரோடு இருந்து
போராடி வெற்றி பெறு !

இறப்பதைவிட
இருப்பது மேல்

இது ஓர்
உண்மை உரையாடல்

தொடாச்சிணுங்கி

தொட்டவுடன்
சிணுங்கும்
தொட்டாச் சிணுங்கியே
தொட்டால்
ஏன்
சிணுங்குகின்றாய்



தொடாமல்
பசியால்
சிணுங்கும்
சுருங்கும்
அகதிகளின் குடல்கள்
குழந்தைகளின்
வயிறுகள்
ஆயிரமாயிரம்
அறியாயோ ?

என்ன
செய்யப் போகிறாய்

சோனி

சோனி,
உதட்டோடு உறவாடி
உள்ளதை உள்ளபடியே
பிரதிபலித்தாயே
உமக்கா இக்கதி..?

ஈராண்டுகள் மட்டும்
என்னோடு பேசி
இன்று
கீழே விழுந்து
உயிர்க்குலைந்தாயே

தெளிவான குரல்
சொன்னதை சொன்னபடியே
உச்சரிப்புக் குறையாமல்
எதிரொலிக்கும் உன் திறன்
வேறு யாருக்கு வரும்

சோனி
உன்னையன்றி
வேறு யாரையும்
கைப்பிடிக்க
என் மனம் இடம் தரா

எவ்வளவு
செலவானாலும்
குணப்படுத்தி
மீண்டும் உன்னையே
கரம் பிடிப்பேன்
கவலைப்படாதே

ஓ.. சுதந்திரத் தந்தையே...

ஓ..
சுதந்திரத் தந்தையே

சுதந்திரத்தை வாங்கி
கையோடு
கொண்டு சென்றாய்
தந்திரத்தை அல்லவா
விட்டுச் சென்றாய்



குள்ளநரி மனித
மத ,பதவி
இனப் போராட்டங்கள்
இன்னும்
ஓய்ந்தப் பாடில்லை

ஓ
சுதந்திரத் தந்தையே

உயிர் பெற்று வா
சுதந்திரத்தைக்
கொடுத்துவிட்டு
தந்திரத்தை
எடுத்துச் செல்

சுதந்திரப் போர்வையில்
சதிராடும் செயல்கள்
அமைதிப் போராட்டங்கள்
அமர்க்களமாய்
சந்தி சிரிக்கின்றன

உயிர் பெற்று வா

பெண் ஓர் இனிப்பான விஷம்

அன்று
காதலில்
நான்
கரும்பானேன்



இன்று
மாற்றானை
கைப்பிடிக்க
கறிவேப்பிலையானேன்

தேவையின் போது
பயன்படுத்தி
தேவையற்ற போது
தூக்கி எறியப்பட்ட
கறிவேப்பிலை நிலை

எனவேதான்
பெண் ஓர்
இனிப்பான விஷம்
எனக்கு மட்டும் .......

குழிக்குள் தங்கம்

குழிக்குள்

தங்கம்

யாருக்குச்

சொந்தம்..?

தங்கத்தை

எடுத்து

உரியவரிடம்

சேர்க்க வேண்டும்

அவ்வளவுதான்

பிரசினை முடிந்தது

ஆனால் இன்று

நடப்பதோ வேறு

குழிக்கு வெளியே

தங்கத்தைப் பற்றிய

ஆய்வு

யாருக்குச் சொந்தம்

எனபதில் குழப்பம்

இப்படியோ

அப்படியோ என

வீண் விவாதம்

விட்டுகொடுக்காத

முடிவுகள்

வாய்ப் பேச்சு

கைகலப்பில் முடிவு

இறுதியில்

குழிக்குள் ஒருவன் விழ

மற்றவர்கள் நகைப்பு

இன்றைய

நாட்டு நடப்பில்

நம்மிடையே காணும்

நடைமுறை வழக்கம்

இதுதான்

பிரசினைகளைச் சுலபமாக

தீர்க்க வழி இருந்தும்

தீர்க்காமல் பேசியே

காலத்தைக்

கழிக்கின்றோம்

தங்கம் இன்னும்

குழியிலேயே

இருப்பது போல...

நானும் இன்னும்

எடுக்காமல்

இவ்வளவு நீளம்

எழுதிவிட்டேனே...

உங்களில் நானும்

ஒருவன்

அதனால்தான்

என்னவோ....

ஏனய்யா வம்பு ?

ஒரு கட்சியில்
சேர்ந்து
மக்களுக்கு
சேவை செய்ய
ஆசை




ம.இ.காவில்
சாமிவேலு -சுப்ரா
ஓய்ந்தபாடில்லை
கூட வளர்ந்த சோதியே
எதிரியான நிலை

ம.மு.க.வில்
கேவியஸ் -முருகையா
தூறல் நிற்கவில்லை
வளரும் இளந்தலைவனை
ஒழித்துக் கட்டும் நிலை

ஐ.பி.எப்.பில்
நீயா நானா
தலைவர் போராட்டம்
பண்டிதனுக்கும் பின்
பதிவு ரத்தாகுமோ நிலை

ஹிண்ட்ராப்
உரிமைக்குரல் கொடுத்த
நேற்றையப் போராட்டவாதிகள்
இன்று அரசியல்வாதிகள்
ஆளுக்கொரு கட்சி

புதிய கட்சிகள்
அறிக்கைகளோடு சரி
செயல் பாடு காணோம்
நாளைய நிலை
புரியவில்லை

ஏனய்யா வம்பு ?
தனியாக உழைத்து
குடும்பத்தை உயர்த்தி
தன்னிச்சையாக
உதவுவோமே.......